مجيب
جرّب مجانًا

كيف تربط خدمة عملاء ذكية بمتجرك في زد أو سلة (خطوة بخطوة)

دليل مجيب · · قراءة 6 دقائق

أغلب الرسائل اللي توصل أي متجر إلكتروني تتكرر: «وين طلبي؟»، «كم مدة التوصيل؟»، «فيه مقاس أكبر؟»، «كيف أرجّع المنتج؟». هذا الدليل يوضح لك كيف تخلّي موظف ذكاء اصطناعي يرد على هالأسئلة في متجرك على زد أو سلة على مدار الساعة، في أقل من ١٠ دقائق وبدون أي برمجة.

ليش تحتاج خدمة عملاء ذكية في متجرك؟

العميل اللي يسأل وما يلقى رد سريع، غالبًا يطلع من المتجر ويشتري من غيرك. وأغلب الأسئلة اللي توصلك مكررة، وجوابها موجود أصلًا في صفحات منتجاتك وسياساتك. الموظف الذكي يقرأ هالمعلومات ويرد منها مباشرة:

رد فوري ٢٤ ساعةحتى بالليل وفي الإجازات، بدون ما يتأخر العميل.
عربي وإنجليزييرد بلغة العميل وبأسلوب متجرك.
يعرف منتجاتكالأسعار والمقاسات والتوفر من متجرك نفسه.
يحوّل لفريقكالحالات الخاصة توصل لموظف من فريقك.

الخطوة ١: أنشئ حسابك في مجيب

  1. ادخل على dojara.com/mojib واختر الباقة اللي تناسبك.
  2. اكتب اسم متجرك، واختر رابط متجرك في مجيب، ورقم جوالك وبريدك.
  3. اختر اسم مستخدم وكلمة مرور لدخول لوحة التحكم. حسابك يجهز خلال ثواني وتبدأ التجربة المجانية مباشرة.

الخطوة ٢: علّمه متجرك

من لوحة التحكم استخدم «تعرّف على متجري» وحط رابط متجرك. مجيب يقرأ منتجاتك وصفحات السياسات (الشحن، الاسترجاع، الدفع) ويتعلّم منها، فيصير يجاوب عملاءك من معلومات متجرك أنت مو من عنده.

تقدر بعدها تضيف أي معلومة إضافية بنفسك، مثل أوقات الدوام أو عروض الموسم، وتجرّب الرد من الشات التجريبي قبل ما تركّبه لعملائك.

الخطوة ٣: تركيب فقاعة الشات في زد

انسخ كود التركيب من لوحة تحكم مجيب، وبعدها:

  1. افتح لوحة تحكم زد واذهب إلى:
    المظهر ← تخصيص القالب ← إعدادات متقدمة ← أكواد مخصصة
  2. في قسم «كود قبل إغلاق الـ body» أو «JavaScript مخصص» الصق كود مجيب.
  3. اضغط حفظ، وافتح متجرك في نافذة جديدة. بتشوف فقاعة الشات في زاوية الصفحة ✅

الخطوة ٣: تركيب فقاعة الشات في سلة

  1. افتح لوحة تحكم سلة واذهب إلى:
    التصميم ← متقدم ← JavaScript مخصص
  2. الصق كود مجيب واحفظ.
  3. افتح متجرك، وبتظهر فقاعة الشات ✅
تستخدم Google Tag Manager؟ تقدر تركّب الكود من هناك بدال: أنشئ Tag جديد من نوع Custom HTML، والصق الكود، واختر الـ Trigger «All Pages»، وبعدها Save ثم Submit وPublish. الخطوات المصورة لكل طريقة موجودة داخل لوحة مجيب.

الخطوة ٤: اربط الطلبات عشان يرد على «وين طلبي؟»

تركيب الفقاعة يكفي عشان يجاوب عن المنتجات والسياسات. وإذا تبغاه يتابع الطلبات ويسوي روابط دفع، اربط متجرك من:

لوحة مجيب ← الإعدادات ← تكامل المتجر الإلكتروني
  1. اختر المنصة: زد أو سلة.
  2. حط الـ Access Token الخاص بمتجرك، ومعه Store ID لو متجرك على زد، أو Merchant ID لو على سلة.
  3. اكتب دومين متجرك اللي ركّبت فيه الفقاعة، واحفظ.
مفتاح الربط يبقى محفوظ عندنا ومخفي في اللوحة، وما ينعرض لعملائك أبد. ولو احتجت مساعدة في الربط، تواصل معنا ونربطه معك.

وش يقدر يسوي بعد الربط؟

«وين طلبي؟»يطلب رقم الطلب ويعرض حالته وتفاصيله فورًا.
يقترح منتجاتيبحث في منتجاتك ويرشّح المناسب للعميل.
رابط دفع جاهزيأكد الطلب مع العميل ويعطيه رابط سلة ودفع فعلي داخل المحادثة.
إحصائياتتشوف عدد الرسائل وتقييم العملاء للردود من لوحة التحكم.

أسئلة شائعة

هل أحتاج مبرمج عشان أركّب مجيب في زد أو سلة؟

لا. التركيب نسخ سطر كود واحد ولصقه في إعدادات متجرك، والخطوات المصورة موجودة داخل لوحة التحكم.

هل يقدر يرد على «وين طلبي؟» لحاله؟

نعم، بعد ربط متجرك من «تكامل المتجر الإلكتروني». العميل يكتب رقم طلبه ومجيب يعرض له الحالة والتفاصيل مباشرة.

هل الرد يكون بالعربي؟

نعم، يرد بالعربي والإنجليزي حسب لغة العميل، ومن معلومات متجرك أنت.

وش يصير لو العميل يبغى يكلم موظف؟

يقدر يطلب التواصل مع خدمة العملاء ويختار دردشة كتابية أو مكالمة صوتية مع موظف من فريقك.

هل فيه تجربة مجانية؟

نعم، تبدأ التجربة المجانية مباشرة بعد إنشاء الحساب، وتقدر تشوف الباقات والأسعار في صفحة مجيب.

هل يشتغل مع منصات غير زد وسلة؟

فقاعة الشات تشتغل في أي موقع تقدر تضيف له كود (مثل ووردبريس أو عن طريق Google Tag Manager). ربط الطلبات متاح حاليًا لزد وسلة والمتاجر الخاصة المبنية على Medusa.

جاهز تخلّي متجرك يرد ٢٤ ساعة؟

أنشئ حسابك في مجيب وركّبه في متجرك اليوم.

ابدأ تجربتك المجانية